Azərbaycan Respublikasınin Gənclər Fondunun maliyyə dəstəyi və Ağstafa Gənclər Evinin təşkilatı dəstəyi ilə “Söz Sərrafı – Natiqlik Məktəbi” layihəsinin sonuncu mərhələsi olan Natiqlik Müsabiqəsi keçirilib.
Natiqlik Müsabiqəsinin şərtlərinə uyğun olaraq, gənclər komandalara bölünüblər və məhdud vaxt ərzində onlara verilən tapşırıq əsasında təqdimat hazırlayıblar.
Yekun qiymətləndirmə əsasında üç komandanın komanda işi birinci, ikinci və üçüncü yer olaraq, qiymətləndirilib.
Qalib komandalara kubok və medallar, digər iştirakçılara isə sertifikatlar təqdim edilib.

Qeyd edək ki, “İdeyanı reallaşdır – 2023” fərdi qrant müsabiqəsinin qalibi olan “Söz Sərrafı – Natiqlik Məktəbi” layihəsi çərçivəsində Qazax, Ağstafa və Şəmkir şəhərlərindən iyirmi nəfər, ümumilikdə altmış nəfər üçün natiqlik və özünütəqdimat mövzularında təlimlər keçirilib.